Për javën që presim vendi ynë parashikohet të ndikohet nga kushte atmosferike kryesisht të paqëndueshme për shkak të masave ajrore të ftohta e të lagështa me origjinë veriperëndimore.

E më konkretisht:

Ditët e Hënë, e Enjte dhe pjesërisht e Martë moti pritet të jetë me kthjellime dhe alternime vranësirash.

Ditën e Martë në pjesën e dytë të ditës pritet mot me kthjellime dhe vranësira në shtim, raporton noa.al duke cituar Shërbimin Metereologjik Ushtarak.

E Mërkurë dhe e Premte pritet mot i vranët dhe me intervale kthjellimesh të herëpashershme.

Vranësirat pritet të pasohen me reshje shiu me intensitet të ulët në pjesën më të madhe të territorit.

Ndërsa në zonat veriperëndimore e jugperëndimore reshjet pritet të jenë me intensitet mesatar e hera –herës të lartë shoqëruar me shkarkesa elektrike.

Në lartësitë mbi 1000-1200m priten reshje bore me intensitet të ulët, ndërsa në Alpe me intensitet deri mesatar.

Era pritet të jetë me drejtim verilindje- juglindje me shpejtësi mesatare deri në 8m/sek, ndërsa përgjatë vijës bregdetare hera-herës era fiton shpejtësi deri në 14m/sek.

Ju urojmë një javë të mbarë. /noa.al