Tirana ka zyrtarizuar goditjen e parë në merkaton e janarit. Klubi më i titulluar i futbollit në Shqipëri ka siguruar një sulmues cilësor, i cili luan edhe për kombëtaren e vendit të vet. Ja njoftimi i bardhebluve me këtë rast: “Klubi i Futbollit Tirana njoftoj afrimin e lojtarit Emmanuel Ernest. Sulmuesi do të vishet bardheblu për dy sezone. 24 vjeçari i është bashkuar sot ekipit në seancën stërvitore”.

“Pasaporta” e sulmuesit liberian – Emmanuel Ernest (Monrovia, 30 dhjetor 2000) është një futbollist liberian, sulmues i skuadrës Aarau së fundi dhe i kombëtares së Liberisë.

Ernest e nisi karrierën e tij të futbollit në Nigeri, në akademinë “Christ Ambassador Sport”. Në mars 2020 u transferua në Rumani, ku filloi karrierën profesionale me Sporting Roșiori. Më 5 janar 2021 u ble nga Rapid Bukureshti dhe zhvilloi ndeshjen e tij të parë profesionale më 19 prill, në Liga II kundër U Craiova. Pas përfundimit të sezonit kaloi te Ripensia Timișoara. Pas gjysmës së sezonit e la klubin në fjalë për t’u bashkuar me ekipin e dytë të Argeș Pitești.

Në verën e vitit 2022, Ernest u transferua në Qipro, ku firmosi kontratë me ekipin Hamitköy. Pas vetëm 6 muajsh aty kaloi tek Al-Uruba dhe në verën pasuese u kthye në Qipro, duke u bashkuar me ekipin Çetinkaya Türk.

Më 20 qershor 2024, Ernest u ble nga klubi zviceran Aarau. Në shtator të vitit 2024, Ernest mori ftesën e parë nga Kombëtarja e Liberisë. Më 6 shtator debutoi në ndeshjen kualifikuese për Kupën e Kombeve të Afrikës 2025, në barazimin 1-1 kundër Togos.