Viti i ri ka nisur me zhvillime të rëndësishme për kryetarin e Partisë Demokratike, Sali Berisha. Sot, në orën 10:00, në Gjykatën e Apelit të Posaçëm, do të shqyrtohet ankimimi i bërë nga SPAK (Struktura e Posaçme Kundër Korrupsionit dhe Krimit të Organizuar) kundër vendimit që i hoqi Berishës masën e arrestit në shtëpi.

SPAK ka kërkuar rikthimin e ish-kryeministrit në arrest shtëpie, duke kundërshtuar lirimin e tij. Vendimi që do të merret sot pritet të ketë ndikim të madh në zhvillimet politike dhe ligjore në vend.

Zhvillimet rreth këtij procesi po ndiqen me interes të madh nga publiku, ndërsa mbetet për t’u parë se si do të përfundojë çështja në Apel.