Një grua 67-vjeçare britanike shkoi për të bërë një operacion në syrin e saj të djathtë, por mjekët u befasuan çfarë gjetën nën qepallë.

Para operacionit, gruaja u kishte thënë mjekëve se po përjetonte disa shqetësime të vogla në sy, të cilat ajo supozoi se ishin për shkak të syve të thatë dhe pleqërisë. Gjatë operacionit mjekët gjetën 17 lente kontakti, të lidhura së bashku me mukus.

Një kirurg më pas zbuloi 10 lente të tjera gjatë një ekzaminimi më të afërt nën mikroskop. Pas heqjes së lenteve, mjekët e shtynë operacionin për dy javë për shkak të grumbullimit të mundshëm të baktereve në syrin e gruas, të cilat mund të shkaktojnë infeksion. Gjëja e çuditshme e rastit është se pacientja nuk kishte patur probleme me shikimin apo acarim të tepruar të syve. 67-vjeçari mbante lente kontakti mujore për 35 vjet, por rrallë shkoi te mjeku okular gjatë asaj kohe. Lentet mujore të kontaktit mund të vishen për rreth 30 ditë, por duhet të hiqen çdo natë para gjumit.

Ishte e paqartë se sa kohë kishin qenë lentet e kontaktit të grumbulluara nën qepallën e pacientes. Gruaja tha se ajo u përpoq të hiqte një lente nga syri i saj i djathtë, por nuk mund ta gjente atë, dhe thjesht supozoi se kishte rënë diku. Mjekët, të cilët publikuan një studim mbi këtë rast të veçantë në revistën shkencore, The BMJ, thanë se pozicioni i syve të gruas thellë në grykë i lejonte ato të mbanin një numër kaq të madh lentesh.