Rrjeti social TikTok po transformon mënyrën se si dëgjohet dhe shpërndahet muzika, duke sjellë në qendër të vëmendjes këngë që dikur ishin hite të dekadave të kaluara. Kënga ikonike “Forever Young” e grupit gjerman Alphaville, e publikuar në vitin 1984, është kthyer në një fenomen të ri gjatë këtij viti, duke u shpallur kënga më e dëgjuar e këtij viti në këtë platformë.

Shenjat e zodiakut që duhet të bëjnë KUJDES këto ditë të fundit të 2024-ës!

Sipas një analize të publikuar nga “The Guardian”, këngët e dekadave të kaluara po përjetojnë një rigjallërim të jashtëzakonshëm. Nga 50 këngët më të përdorura në TikTok, plot 20 janë krijime të viteve të mëparshme. Midis tyre gjenden hite të njohura nga grupe si Bronski Beat dhe këngëtarja e dashur Shada.

Me siguri nuk i keni ditur, vlerat ushqyese të arrave të kuqe!

Toyin Mustapha, drejtues i rregullatorit të muzikës në TikTok, e përshkruan këtë fenomen si një risi që ka “ribalancuar lojën” për artistët. Platforma u ofron muzikantëve të të gjitha kohërave një mundësi të barabartë për të fituar vëmendjen e publikut. Në këtë mënyrë, si këngët e vjetra ashtu edhe ato të reja mund të marrin të njëjtin vlerësim dhe dashuri nga përdoruesit.