Hyrje-daljet e kryeqytetit po hasin trafik të rënduar këto ditë, për shkak të fluksit të shtuar për festat e fundvitit.

Situatë e rënduar në trafik ka në autostradën Tiranë-Durrës, kryesisht edhe në Vorë, aty ku rruga ndahet në drejtim të veriut të vendit por edhe aeroportit të Rinasit.

Në hyrjen tjetër të Tiranës, nga Elbasani, raportohet për radhë të gjata makinash që shkon deri në 7 kilometra. Të shumtë janë ata që zgjedhin Tiranën, po ashtu edhe ata që largohen për të festuar Krishtlindjen në qytetet e tjera.

Brenda në kryeqytet, trafiku prej disa ditësh është kthyer në makth për shoferët, për shkak të rrugëve të paralizuara kryesisht gjatë pikut në mëngjes, drekë dhe pasdite.