Burri që u gjet sot i pajetë në qytetin e Vlorës, dyshohet se pasi pësoi atak kardiak, u kafshua nga qeni.

I ndjeri, B.D, rreth 68 vjeç, sot pasdite, është gjetur pa shenja jete në banesën e tij. Paraprakisht, dyshohet se 68-vjeçari ka pësuar arrest kardiak.

Trupi i 68-vjeçarit u dërgua në morg për ekspertizë mjekoligjore, për të përcaktuar saktësisht shkaqet e dëmtimit të konstatuar në fytyrë dhe të vdekjes.

Nga këqyrja e trupit, dyshohet se viktima kishte më shumë se 12 orë që kishte ndërruar jetë si pasojë e një infarkti.

Por në banesën ku jetonte i vetëm, ndodhej edhe një qen, që sipas policisë, mund të jetë ai që i ka kafshuar pjesën e fytyrës (hundën dhe mjekrën) kur 68-vjeçari ishte pa jetë.

Grupi hetimor, nën drejtimin e Prokurorisë, po punon për sqarimin e plotë të rrethanave të kësaj ngjarjeje.