Policia ka arrestuar pronarin e një fabrike të prodhimit të vajit të ullirit, pasi një 67-vjeçar humbi jetën pasi dëmtoi dorën në makineri.

Ngjarja e rëndë ndodhi më 19 Dhjetor në fabrikën në fshatin Barbas, Petrelë.

Viktima Maksim Pekmezi, dyshohet se aksidentalisht ka dëmtuar dorën në makineri në një fabrikë për prodhimin e vajit të ullirit në pronësi 55-vjeçarit dhe si pasojë ka humbur jetën.

67 vjeçari që humbi jetën është xhaxhai i bashkëshortet së ministrit, Taulant Balla.

Njoftimi i policisë:

Komisariati i Policise Nr.1, arrestoi në flagrancë: Xh.H, 55 vjeç, pasi në fshatin Barbas, Petrelë, tek një kapanon për prodhimin e vajit të ullirit,në pronësinë e tij, është dëmtuar shtetasi M.P, 67 vjeç, dhe për pasojë ka humbur jetën.