Milani fitoi tri pikët në ndeshjen jashtë fushe, në Verona. Pavarësisht dëmtimit të Leaos, trajneri Fonseca mund të kthehet në shtëpi i kënaqur me performancën e ekipit të tij, në mes të një emergjence. "Në pjesën e parë u ndje emergjenca e mungesave dhe situata delikate.

U gjendëm ngushtë në lojë, pavarësisht se nuk pësuam raste të pastra. E mbajtëm topin, por pa qenë vendimtarë në sulm. Pra, shpërdoruam shumë. Ne duhet të kishim bërë më mirë dhe të ishim më agresivë, por pa kaq shumë lojtarë dhe një moment si ky, është e qartë se jam i kënaqur me këtë fitore mëse të merituar”.

Njeriu kyç në mesin e fushës ishte Fofana, jo vetëm për asistimin te goli, si dhe rritja e çiftit Gabbia-Thiaw në prapavijë: “Qendërmbrojtësit bënë shumë mirë, madje edhe Fofana me Terracciano në mesfushë, duke ndihmuar mbrojtësit. Ne kemi nevojë për stabilitet për të sulmuar më pas, por jemi duke u rritur”.

Leao, megjithatë, ndaloi për shkak të lëndimit: "Fola me të dhe më tha se nuk ka diçka serioze. Zëvendësimi i tij ishte më tepër një masë parandaluese, megjithatë do ta vlerësojë stafi mjekësore".

Problemet muskulare kanë filluar të bëhen të shumta: “Është një periudhë fatkeqe, por vetëm Musah dhe Loftus-Cheek kanë probleme të këtij lloji. Të tjerat nuk i kontrollojmë dot”.

Të paktën Alex Jimenez, një nga më të mirët e “Bentegodi” për guximin dhe personalitetin, i bën njerëzit të buzëqeshin: "Tani ai është titullar, e pamë sa vendimtar ishte edhe sonte. Duhet të vazhdojë kështu. Unë e dua energjinë e tij, dëshirën e madhe për të kandiduar për një vend në formacionin startues, kemi nevojë për të tani”.