Pas bllokimit nga AKU të mbi 20 tonë mandarinave në pikën e grumbullimit për eksport në Divjakë, Autoriteti Kombëtar i Veterinarisë dhe Mbrojtjes së Bimëve ka nisur kontrollet në pikat e grumbullimit.

Synimi i tyre është gjetja e emrave të fermerëve që kanë prodhuar mandarinën për eksport.

Emrat e preparateve të lejuara për përdorim nga fermerët janë në një listë të Ministrisë së Bujqësisë në faqen e saj zyrtare.

Kjo liste çdo tre muaj rishikohet dhe preparatet që hiqen nga tregu urdhërohet të mos përdoren.

Farmacitë bujqësore nuk i kanë kloripirifos dhe Fosmet për tregtim dhe duket se nuk mbajnë përgjegjësi për këto dy pesticide që kanë përdorur fermerët e manderinave.

Fermerët duhet të kenë një regjistër ku të shënohet lloji i pesticideve qe përdorin tek frutat dhe perimet.

Tani, pas kthimit nga Kroacia të mandarinave, nga AKU kanë nisur kontrollet për zbatimin e e urdhrit për regjistër.