Të dhënat po ngarkohen...
Transmetuar më 20-12-2024, 14:59
Një seri sulmesh ajrore të Federatës Ruse tronditën Kievin të premten në mëngjes, duke shkaktuar dëme të shumta në disa zona në kryeqytetin e Ukrainës.
Si pasojë e këtyre sulmeve, u dëmtuan pjesërisht fasada e jashtme dhe disa hapësira brenda godinës së ambasadës së Republikës së Shqipërisë në Kiev.
Ajo është godinë edhe e ambasadave të pesë vendeve të tjera.
Ky suln ka vënë në rrezik jetën e personelit diplomatik.
Raportohet vetëm për dëme materiale.
Në këtë video shihen pamje sot të ambjenteve të brendshme të ambasadës së RSH në Kiev. Ndërsa në fotot gjeni pamjet që solli MPJ nga dëmet e ditës së sotme në Kiev
Ministria për Evropën dhe Punët e Jashtme dënon pa asnjë mëdyshje këto sulme brutale. Ky akt i pakuptimtë është një sulm ndaj themeleve të vetë diplomacisë ndërkombëtare. Mbrojtja e personelit diplomatik dhe paprekshmëria e misioneve janë parime të panegociueshme që duhet të respektohen dhe të zbatohen plotësisht.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Bashkohu me kanalin e NOA WhatsApp për lajmet më të fundit direkt në celularin tënd