Një atentat me armë zjarri ka ndodhur në Vlorë mbrëmjen e së enjtes, ndërsa dy persona kanë mbetur të plagosur.

Në foto është 29-vjeçari Kevin Hajrulla, objektiv i atentatit i cili është dërguar në spital.

Ndërsa i plagosuri i dytë është një qytetar që nuk ka lidhje me ngjarjen. Ai shiste fruta-perime pranë vendit ku ndodhi breshëria e armëve dhe u prek nga plumbat.

Ngjarja e rëndë ka ndodhur në lagjen “24 Maji”.

Makina e të plagosurit është bërë shosh nga plumbat, siç duket edhe në pamje.

Sa i përket autorëve, nuk dihet asgjë.

Automjeti i tyre u gjet duke u djegur pak minuta më vonë në autostradën Vlorë-Fier.

Policia shkoi në vendngjarje dhe rrethoi zonën.

Teksa forca të tjera policore kanë ngritur postblloqe në disa akse rrugore.

Në fshatin Panaja është gjetur mjeti i djegur me dy kallashnikovë.

Makina e qëlluar

Makina e autorëve