Një lëkundje sizmike ndodhi pak çaste më parë dhe u ndje gjerësisht në Tiranë, raporton noa.al.

Tërmeti ishte katër ballë i shkallës Rihter, njofton paraprakisht EMSC.

Epiqendra ishte 12 km larg Burrelit dhe 44 km larg Tiranës dhe kishte një thellësi vetëm 5 km.

Ndërsa shërbimi sizmik shqiptar tha se tërmeti ishte 4.1 ballë dhe me epiqendër në Lis, Dibër.

Sipas të dhënave paraprake të Institutit të Gjeoshkencave, në orën 18:01.37 janë ndjerë lëkundje tërmeti me magnitudë 3.8 të shkallës Rihter. Epiqendra u regjistrua në Selishtë, në qarkun e Dibrës, me një thellësi prej 15.2 km. Lëkundjet janë ndjerë edhe në zonat përreth epiqendrës.

Sipas komunikimeve paraprake me përfaqësuesit e pushtetit lokal, strukturat e mbrojtjes civile të Bashkisë Burrel dhe Qarkut Dibër nuk raportohen dëme materiale.

Agjencia Kombëtare e Mbrojtjes Civile mbetet në ndjekje të situatës.