FIERI- Një 22-vjeçar është arrestuar në Fier, pasi përplasi për vdekje një person dhe më pas është larguar nga vendi i ngjarjes. Ngjarja në fjalë ndodhi më datë 10 dhjetor në aksin rrugor “Fier-Seman”. Materialet i kaluan Prokurorisë, për veprime të mëtejshme procedurale.

Njoftimi:

Specialistët e Sektorit të Policisë Rrugore të DVP Fier ndaluan shtetasin A. G., 22 vjeç, banues në fshatin Dërmenas, Fier, i cili ishte shpallur në kërkim, pasi dyshohet se më datë 10.12.2024, në aksin rrugor “Fier-Seman”, duke drejtuar automjetin, ka aksidentuar me pasojë vdekjen shtetasin K. S., 50 vjeç, që lëvizte me motomjet, dhe më pas është larguar nga vendi i aksidentit.