Giuseppe Marotta, presidenti i Interit, ka dhënë një intervistë për DAZN pak para ndeshjes kundër Lazios, të cilën kampionët në fuqi të Italisë e fituan thellë 6-0 në "Olimpico".

Sa e rëndësishme është ndeshja e sotme?

Unë besoj se është e rëndësishme të vlerësohet performanca e skuadrës sonë. Është e vërtetë që klasifikimi po zgjatet, por jemi në një fazë ndërmjetëse, nuk mund të flasim për skuadra që po shkëputen ose pretendentë për titull. Për ne është e rëndësishme të marrim përgjigje, do të jetë sigurisht një ndeshje e bukur dhe lojtarët janë të vetëdijshëm për këtë.

A është Interi gati për të fituar kampionatin dhe Champions-in?

Në ADN-në tonë kemi detyrimin të konkurrojmë në të gjitha kompeticionet. Do të përpiqemi të arrijmë maksimumin; finalen e Champions-it dhe fitimin e kampionatit. Është e detyrueshme ta mendojmë këtë, një skuadër si Interi nuk mund të kënaqet dhe të mendojë në mënyrë minimale".

A mund ta ndihmojë Lautaron një gol?

Po, sidomos për t’i dhënë vetëbesim, por problemi ynë nuk është shënimi i golave. Megjithatë, nëse edhe kapiteni ynë i shtohet listës së golashënuesve, është shumë më e lehtë ta marrim rezultatin pozitiv.