U luajtën ditën e sotme 3 duelet e vlefshme për javën e 18-të të Kategorisë Superiore, ku u regjistruan plot 10 gola. Spikasin triumfet e Vllaznisë dhe Dinamos, respektivisht kundër Laçit dhe Tiranës me rezultatin 2-1, ndërkohë që dueli i zhvilluar në “Arenën e Demave” mes Partizanit dhe Elbasanit përfundoi në barazim 2 me 2.

Për sa i përket renditjes provizore, Dinamo dhe Vllaznia ndajnë kreun me pikë të barabarta. Blutë e Ilir Dajës janë në vend të parë për shkak të golavarazhit më të mirë. Ndërkohë edhe vendi i tretë dhe i katërt, që mbahet nga Partizani dhe Egnatia, gëzojnë të njëjtën kuotë pikësh, nga 30 secila, 1 më pak se dyshja kryesuese.

Kjo javë do të mbyllet me dy duelet e ditës së nesërme ajo mes Skënderbeut dhe Bylisit si dhe Egnatia-Teuta.