FRANCË- Njoftimi i emrit të kryeministrit të ri të Francës, nga presidenti francez Emmanuel Macron që pritej të bëhej sonte, është shtyrë për në mëngjesin e së premtes. Lajmin e njoftoi Pallati Elysee. Presidenti Macron tha dy ditë më parë se dëshiron të emërojë kreun e ri të qeverisë brenda 48 orëve të ardhshme.

Qeveria e re do të zëvendësojë atë të Michel Barnier, i cili u votua javën e kaluar nga parlamenti, duke e zhytur Francën në krizën e dytë të madhe politike në gjashtë muaj. Është shtyrja e dytë në shpalljen e emrit, pasi fillimisht i kishte bërë të ditur Elysée se shpallja do të bëhej ditën e martë.