Një burrë në Tiranë u fut tek mobileria në mes të bulevardit "Bajram Curri" dhe nën kërcënimin e thikës që mbante në dorë, i mori dhunshëm çelësin e makinës një personi duke u zhdukur bashkë me mjetin.

Në videon që ju sjell noa.al shikoni momentet dramatike të grabitjes ku shfaqet i dyshuari 32 vjeçar Iljaz Lufta.

View this post on Instagram

A post shared by Agjencia Kombëtare e Lajmeve NOA (@noanews)

Shërbimet e Komisariatit të Policisë Nr. 2, thanë zyrtarisht se në bulevardin "Bajram Curri", një shtetas kishte hyrë në një mobileri dhe në kërcënimin e një mjeti prerës, ka vjedhur çelësin e një automjeti i cili ishte i parkuar në hyrje të mobilerisë.

Në këtë kuadër ata kanë organizuar punën për identifikimin dhe kapjen e autorit të dyshuar.

Si rezultat është lokalizuar dhe arrestuar shtetasi Iljaz Lufta, 32 vjeç, banues në Durrës.

"Ditën e djeshme, ky shtetas dyshohet se ka hyrë në një mobileri dhe në kërcënimin e një mjeti prerës, i ka vjedhur një shtetasi çelësin e automjetit të cilin e kishte parkuar në hyrje të mobilerisë", tha policia.

Noa.al raporton se automjeti u gjet i braktisur në rrugën "Babë Rexha" dhe u sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.