PEJË- Një plagosje me thikë ka ndodhur ditën e sotme në shkollën “8 Marsi” në Pejë. Mësohet se një nxënëse është plagosur me thikë nga një bashkëmoshatar i të njëjtës shkollë. Ndërkohë e plagosura është dërguar në emergjencën e spitalit për trajtim mjekësor.

Gjithashtu policia ka vënë në pranga të dyshuarin dhe ka sekuestruar mjetin prerës. Ndërkohë hetimet po vazhdojnë për të sqaruar rrethanat e plota të ngjarjes.

“Policia ka dalur në vendin e ngjarjes, e ka arrestuar të dyshuarin dhe viktima është dërguar në emergjencën e spitalit për trajtim mjekësor. Janë shoqëruar në stacion policor dy dëshmitarë, të cilët janë intervistuar. Është konfiskuar mjeti i mprehtë thika me të cilën dyshohet se është kryer vepra. Prokurori i Shtetit ka caktuar masën e ndalimit prej 48 orëve për të dyshuarin,” thuhet në njofimin e policisë.