Një student i Universitetit të Queensland, Lachlan Fitzgerald, po sjell një vizion të ri për biorobotikën: krijimin e insekteve-kibernetikë për shpëtimin e jetëve. Duke përdorur një qasje inovative, ai vendos çipa mbi brendësinë e brumbujve dhe insekteve të tjera, duke i kthyer ato në robotë të gjallë që mund të kontrollohen përmes impulseve elektrike.

“Këto insekte kanë një aftësi natyrale për të lëvizur me shkathtësi, dhe ndërhyrja jonë bëhet vetëm kur duam të ndryshojmë drejtimin e tyre,” shpjegon Fitzgerald, i cili po studion matematikë dhe inxhinieri. Ai shpreson që kjo teknologji të përdoret për kërkim dhe shpëtim në zonat e fatkeqësive si tërmetet apo shpërthimet.

Insektet janë të pajisura me “çanta shpine” që mund të drejtohen përmes sinjaleve elektronike, duke përfituar nga aftësia e tyre për të depërtuar në terrene të vështira ku robotët tradicionalë nuk mund të arrijnë. “Ato mund të ndihmojnë në gjetjen e të mbijetuarve dhe të dërgojnë ilaçe jetike para se ekipet e shpëtimit të mbërrijnë,” thotë ai. Pavarësisht potencialit të madh, kjo teknologji ka ngjallur debat mbi etikën. Por Fitzgerald siguron se insektet nuk vuajnë dhe jetojnë një jetë normale. “Përfitimet që mund të sjellë kjo teknologji për shpëtimin e jetëve e tejkalojnë çdo shqetësim etik”-përfundon ai.