Moment padyshim negativ për Real Madridin. I freskët nga disfata e rëndë në Ligën e Kampionëve, ndaj Liverpool-it në “Anfield Road”, vazhdon të ketë mjaft probleme për ekipin e Ancelottit.

Pas udhëtimit për në Angli, autobusi i “Los Blancos” po kthehej në Spanjë, kur në autostradën M40 të Mbretërisë së Bashkuar, u përplas me një kamion, duke shkaktuar dëme të shumta në pjesën e përparme të majtë.

Shumë përdorues të rrjeteve sociale kanë publikuar foto dhe video të autobusit të bllokuar në anë të rrugës. Sipas informacioneve të fundit, në mjetet e transportit nuk ka pasur lojtarë dhe staf teknik. Drejtuesit e dy mjeteve të përplasura mbetën gjithashtu dhe fatmirësisht të padëmtuar.