PERU- Një aksident i rëndë ka ndodhur të shtunën në rajonin e San Martin në veri të Perusë, ku të paktën 7 perona mbetën të vrarë ndërsa 30 të tjerë mbetën të lënduar, njoftoi Ministria e Brendshme e vendit.

Përplasja ndodhi në autostradën Fernando Belaúnde Terry pranë Moyobamba, kur një autobus u përplas me një furgon në një kthesë të fortë. Mësohet se drejtuesi i autobusit ka humbur kontrollin, duke bërë që mjeti të dalë nga rruga.

Autobusi ishte nisur nga Piura me 58 pasagjerë në bord, duke përfshirë 23 studentë që ishin në një ekskursion në zonën e Tarapoto, sipas agjencisë shtetërore të lajmeve të Perusë Andina. Autoritetet po hetojnë rrethanat e sakta të ngjarjes tragjike.