Krimi mes fëmijëve u regjistrua sërish sot, me një sherr mes të miturish në Korçë, me pasojë plagosjen e njërit prej tyre.

Ngjarja ndodhi sot rreth orës 14:00, në fshatin Bulgarec, raporton noa.al.

Mësohet se dy të mitur 12 vjeçarë, kanë qenë gjatë lojës, duke luajtur futboll, kur janë konfliktuar me njëri-tjetrin.

Nga konflikti është dëmtuar me gur njëri prej tyre.

Policia tha se djali i plagosur po merr mjekim në spital dhe shtoi se paraprakisht ai është pa probleme për jetën.

12-vjeçari tjetër, së bashku me prindin, është shoqëruar në Komisariat.

Grupi hetimor po punon për sqarimin e rrethanave të rastit.