Kjo e hënë shënoi fillimin e Javës Globale të Sipërmarrjes, një ngjarje ndërkombëtare kushtuar sipërmarrjeve lokale, nga data 18 deri më 24 Nëntor.

Në Shqipëri, programi i këtij viti organizohet nga StartUp Albania dhe Ministri i Shtetit për Sipërmarrjen dhe Klimën e Biznesit, me mbështetjen e iute përmes platformës së saj, “iutech”.

Në ceremoninë e hapjes, e zhvilluar në Piramidën ikonike të Tiranës, morën pjesë figura të shquara, duke përfshirë Drejtorin Ekzekutiv të iute, Z. Akan Ajdini, i cili theksoi potencialin transformues të inovacionit digjital në Shqipëri.

Platforma iutech u theksua si një nismë kyçe për të sjellë ekspertizën estoneze dhe zgjidhje inovative në Shqipëri, duke nxitur bashkëpunimin midis institucioneve publike dhe private për të përshpejtuar zhvillimin digjital të vendit.

Duke folur për nismën, z. Ajdini ndau: "Përmes iutech, ne po vazhdojmë rrugëtimin e nisur me forumin tonë "Shoqëritë Digjitale" dy vjet më parë. Qëllimi ynë është të sjellim praktikat më të mira globale në Shqipëri, duke u fokusuar në fusha kritike si përfshirja financiare, siguria kibernetike dhe transformimi digjital. Këtë javë, ne jemi krenarë të presim ekspertë si z. Martin Ruubel, një figurë kyçe në ngritjen e Estonisë si një lider global digjital, për të ndarë njohuri dhe për të frymëzuar progres."

Një tjetër figurë kyçe në event, znj. Fatbardha Rino, Drejtore Ekzekutive e iutePay, ftoi publikun të marrë pjesë aktive në diskutimet dhe panelet e planifikuara për javën e dedikuar ndaj sipërmarrjes.

Përgjatë gjithë javës, iutech do të fokusohet në diskutime kritike që synojnë avancimin e ekonomisë digjitale të Shqipërisë.

Këto përfshijnë zgjerimin e përfshirjes financiare përmes zgjidhjeve digjitale, duke theksuar se si teknologjia mund të sigurojë akses më të madh në shërbimet financiare për individët dhe bizneset.

Panelet do të eksplorojnë gjithashtu rëndësinë në rritje të sigurisë kibernetike në mbrojtjen e të dhënave dhe ndërtimin e besimit në ekonominë digjitale të Shqipërisë.

Për më tepër, programi do vendosë në qendër të vëmendjes gratë në udhëheqje, duke vlerësuar kontributin e tyre të rëndësishëm në inovacion dhe progres në sektorët kyç në vend.

Në këtë sens dhe në kuadër të të gjithë Javës Globale të Sipërmarrjes, Znj. Fatbardha Rino, inkurajoi pjesëmarrjen e publikut, duke deklaruar se këto diskutime janë jetike për të formësuar të ardhmen digjitale të Shqipërisë.