Magazinë
Transmetuar më 17-11-2024, 14:01

Një zarf do të mbajë brenda tij, votën e çdo emigranti shqiptar me të drejtë vote që do të votojë për herë të parë nga shteti në të cilin ai ose ajo jeton.

Por, si do të realizohet proçedura e votimit?

Pasi Komisioni rregullator miratoi aktin normative për procedurat e votimit nga jashtë vendi, kryetarja e Komisionit Rregullator Ilirjana Nano shpjegon për Vizion Plus të gjithë proçedurën e votimit.

“Komisioni Rregullator vendosi që zgjedhësit nga jashtë ti dërgohet një dokumentacion zgjedhor që përmban:

1- Fletën e votimit

2- Zarfin ku futet fleta e votimit;

3- Material udhëzues që përmban sqarime për zgjedhësin për plotësimin e fletës së votimit, si dhe sqarime për procedurat e dërgimit mbrapsht të fletës së votimit nga zgjedhësi tek Komisioni Qendror i Zgjedhjeve”, tha Ilirjana Nano, Kryetare e Komisionit Rregullator.

I gjithë ky dokumentacion që do t’i dërgohet zgjedhësit nga jashtë do të përgatitet nga KQZ.

Ndërkohë, sipas procedurës votimi do të realizohet në këtë mënyrë:

Zgjedhësi të cilit i ka mbërritur dokumentacioni zgjedhor nga KQZ plotëson fletën e votimit në mënyrë individuale. Pasi plotëson fletën e votimit, zgjedhësi e vendos atë në zarfin e fletës së votimit të dërguar nga KQZ. Kujdes, nuk lejohet asnjë lloj shënimi mbi zarfin e fletës së votimit.

Zarfi i fletës së votimit, i cili përmban vetëm fletën e votimit, vendoset në një tjetër zarf të jashtëm të dërguar tek zgjedhësi nga Komisioni Qendror i Zgjedhjeve, ndërsa mbi këtë yarf të jashtëm do të vendoset gjithashtu një Kod Unik i regjistrimit ku secili zgjedhes e mer gjatë procedurës së rregjsitrimit. Nano sqaron për Vizion Plus se koha e vendosur në dizpozicion është relativisht e ngushtë, ndërsa është e nevojshme ndërhyrja në kodin zgjedhor.

“Ky do të jetë edhe shqetësimi ynë më i madh drejt fundit të proçesit. Fakti i afateve të ngushta deeri në mbërritjen e fletës së votimit nga zgjedhësi pasi kodi zgjedhkr ka parashikuar që do të përfshihen në numërim vetëm votat që mbërrijnë në territorin e Republikës së Shqipërisë në orën e përfundimit të votimit që normalisht është ora 19:00 e ditës së zgjedhjeve.Nëse do të ketë një ndryshim të kodit zgjedhiir do të ishte i mirëpritur për të patur afate më të gjata në dizpozicion, jo ne si KQZ por zgjedhësi për ta kthyer fletën pas”, deklaroi Kryetarja e Komisionit Rregullator.

Kodi Unik i zgjedhësit gjenerohet automatikisht nga Platforma e Rregjsitrimit të emigrantëve dhe përmban emër, mbiemër të zgjedhësit, shtetin ku ka kërkuar t’i dërgohet fleta e votimit, si dhe qarkun ku ka regjistrin e gjendjes civile në Republikën e Shqipërisë. Zarfi i jashtëm mbi të cilin është vendosur Kodi Unik i zgjedhësit i cili ka brenda zarfin që mban fletën e votimit, futet në zarfin e operatorit të shërbimit postar dhe postohet për në adresën e KQZ.

Dërgimi i dokumentacionit zgjedhor nga zgjedhësi për në KQZ, rekomandohet të bëhet nëpërmjet një shërbimi postar i cili mundëson gjurmimin e dërgesës.

Zgjedhësi duhet të kujdeset që dërgimi i dokumentacionit zgjedhor për në KQZ të bëhet brenda një afati i cili mundëson mbërritjen e tij në Republikën e Shqipërisë brenda orës 19:00 të ditës së zgjedhjeve.

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Bashkohu me kanalin e NOA WhatsApp për lajmet më të fundit direkt në celularin tënd

Lajmet e fundit