Një ngjarje e pazakontë ka ndodhur në Itali mëngjesin e 12 nëntorit në “via Parco Catullo”, në selinë e ekipit të rojës detare. Një shqiptar 38-vjeçar i ka vënë flakën një prej makinave të policisë. Sipas mediave italiane fillimisht ai ka thyer xhamat e makinës më pas ka derdhur lëndën djegëse, benzin, dhe i ka vënë flakën automjetit.

Ende nuk dihet shkaku i këtij veprimi.

Kamerat e vëzhgimit video kapën të gjithë skenën, duke lejuar oficerët ta identifikonin shpejt autorin.

Arrestimi ndodhi pasi shqiptarit iu gjetën thika dhe një spraj, duke çuar në një akuzë shtesë për mbajtjen e armëve ose sendeve pa leje, shkruan “Garda Notizie”.

Megjithëse gjesti nuk duket se ka motive të dukshme politike apo sociale, 38-vjeçari njoftohet se ka precedentë penalë për dhunë në familje dhe gjithashtu ishte i paligjshëm në territorin italian.