SPANJË- Të paktën 10 persona janë vrarë dhe të tjerë janë plagosur në një zjarr që shpërtheu në një shtëpi të moshuarish pranë Zaragozas në veri-lindje të Spanjës, thonë shërbimet e urgjencës.

Zjarri shpërtheu në qytetin e Villafranca de Ebro herët të premten në mëngjes dhe zyrtarët lokalë thanë se më shumë se 80 njerëz jetonin në shtëpi në atë kohë.

Qendra u hap 16 vjet më parë si një shtëpi të moshuarish, sipas raporteve lokale, por që atëherë është specializuar në kujdesin për banorët me probleme të shëndetit mendor.

Shërbimet e urgjencës u alarmuan rreth orës 05:00 (04:00 GMT) të premten dhe zjarrfikësit arritën të shuanin zjarrin.

Dhjetë njerëz vdiqën dhe dy të tjerë u dërguan në spital, duke përfshirë një person gjendja e të cilit u përshkrua si kritike, tha kryebashkiaku lokal për radion spanjolle./ BBC