Viti më i ngrohtë i regjistruar në botë konsiderohet të jetë viti 2024, sipas Organizatës Botërore Meteorologjike të OKB-së (WMO).

Raporti i WMO-së për gjendjen globale të klimës fokusohet në treguesit kryesorë të klimës – gazrat serrë, temperaturat, ngritja e nivelit të detit, nxehtësia dhe acidifikimi i oqeanit, akulli i detit dhe akullnajat.

Raporti u publikua në ditën e parë të Konferencës së OKB-së për Ndryshimet Klimatike, COP29, në Baku, Azerbajxhan. Ai thekson se ambiciet e Marrëveshjes së Parisit janë në rrezik të madh.

Viti 2024 është në rrugën e duhur për të qenë viti më i ngrohtë i regjistruar pas një vargu të zgjatur të temperaturave mesatare jashtëzakonisht të larta mujore, thuhet në raportin që citon noa.al.

Sipas agjencisë, temperatura mesatare globale midis janarit dhe shtatorit ishte rreth 1.54 gradë C mbi rekordin e fundit të shekullit të 19-të.

Në Paris në vitin 2015, gati 200 vende u zotuan të trajtojnë ngrohjen afatgjatë, duke shpresuar të shmangin disa nga efektet më të këqija të ndryshimit të klimës.

Mesazhet kryesore të WMO

Temperatura mesatare globale janar-shtator 2024 1,54 (±0,13) °C mbi nivelin para-industrial

Ngrohja afatgjatë e matur gjatë dekadave mbetet nën 1.5°C

10 vitet e fundit janë më të ngrohtat e regjistruara dhe nxehtësia e oqeanit rritet

Akulli i detit Antarktik i dyti më i ulëti në rekord dhe humbja e akullnajave përshpejtohet

Ngjarjet ekstreme të motit dhe klimës çojnë në humbje masive ekonomike dhe njerëzore