Zyrtarisht, Ruben Amorim është konfirmuar si trajner i ri i Manchester United. Portugezi do të zërë vendin e Erik ten Hag në stolin e “Djajve të Kuq”.

Disa artikuj në shtypin anglez fokusohen në çështjet aktuale të trajnerit holandez. Në “Daily Mail”, për shembull, lexojmë sesi Ten Hag është plotësisht i shkatërruar nga shkarkimi, i tronditur që ka humbur mundësinë më të madhe deri më tani të karrierës së tij.

Në këtë kuptim, Hans Kraay Jr, miku dhe ish-shoku i skuadrës si futbollist, foli për të: “E di që do të arkëtojë më shumë se 14 milionë euro, por është krejtësisht i shkatërruar nga shkarkimi. Ndonjëherë nuk mendon fare për paratë…”