Moderatorja Einxhel Shkira, që iu bashkua panelit të “Goca dhe Gra” zbuloi të vërtetën e debatit të përfolur mes saj dhe producentes së “Big Brother VIP Kosova”, Olsa Muhameti.

Moderatorja u shpreh se iu propozua roli i opinionistes në “BBVK”, por marrëveshja nuk u arrit për shkak se nuk ra dakord me kushtet e punës.

Rudina Dembacaj: T’u propozua kolltuku i opinionistes së “Big Brother VIP Kosova” dhe ne morëm vesh që ti ke pasur një debat me producenten

Einxhel Shkira: Jo, nuk kam pasur asnjë lloj debati, nuk e di pse duan të më nxjerrin si problematike

Rudina Dembacaj: Po çfarë ndodhi

Einxhel Shkira: Unë jam pak kërkuese, e respektoj shumë veten time, respektoj integritetin tim dhe çfarë ofroj. E njëjta gjë dua të ndodh edhe nga pala tjetër. Nëse nuk ndodh, nuk kemi një marrëveshje. Unë nuk kam rënë kurrë dakord, nuk kam firmosur asgjë. Nuk e kuptoj si mund të aludohet që unë kam debatuar.

Rudina Dembacaj: T’u propozua?

Einxhel Shkira: Po, po, patjetër, po s’mu propozua mua ai rol, kujt do i propozohej (qesh). Bëj shaka

Rudina Dembacaj: Po çfarë ndodhi

Einxhel Shkira: Shumë gjëra nuk përputhen me çfarë unë kërkoj ose me çfarë unë shoh që më përshtatet.

Rudina Dembacaj: Pagesa?

Einxhel Shkira: Jo, nuk është çështje pagese. Të ishte për pagesë, nuk do të kisha ndenjur tre vite larg ekranit. Unë dua ta bëj me qejf dhe dashuri atë që bëj, nuk dua ta bëj sikur kam xhaxhin Enver… Dua të jem e lirë. Njerëzve u është krijuar ideja që unë duhet ta bëj atë lloj gjëje dhe unë duke pasur këtë presion, e presionova veten për të kënaqur njerëzit dhe jo veten.//TCH