Marash Kumbulla është sot ndër futbollistët më të mirë në La Liga. Mbrojtësi shqiptar, aktualisht i huazuar tek Espanyol, ka gjetur besim, kohë loje dhe vazhdimësi në Katalonjë. Pikërisht në këtë mënyrë ai arriti të lërë pas përfundimisht dëmtimin e gjatë të pësuar në prill 2023, por pasojat e të cilit zgjatën gjatë, deri më 2024.

“Jam në fillim, sigurisht që ndihem mirë dhe po luaj mirë. Po gjej vazhdimësi, gjë që është më e rëndësishmja për një sportist. Shpresoj të vazhdoj kështu”, – u përgjigj qendërmbrojtësi në pronësi të Romës për ata që e përcaktojnë si më të mirin në rolin e tij në ligën më të mirë spanjolle.

Gjatë intervistës së dhënë sot për “Corriere dello Sport”, Kumbulla shpjegoi arsyet e këtij transferimi: "Si trajneri dhe drejtuesit e Espanyol më kërkuan dhe më bënë të ndihem i rëndësishëm. Askush nuk mund t’ju garantojë pozicionin e titullarit të përhershëm, por kam ndjerë se klubi kishte besim tek unë. E vërteta është se edhe unë mbërrita gati, sepse kisha bërë përgatitje të mira me Romën”.

Një shaka e fundit për të ardhmen e tij: "Nuk e di, të them të vërtetën. Fakti është që nuk e mendoj për këtë. Jam këtu dhe dua të kontribuoj në mbijetesën e Espanyol në La Liga. Duhet të mendoj edhe për kombëtaren shqiptare, pastaj në fund të sezonit do të shohim se çfarë është më e mira për t’u bërë”.

Mbi aventurën e tij të pafat në Romë mes viteve 2020 dhe 2024: "Tifozët verdhekuq thjesht nuk më mbajnë mend si futbollist. Është pak e bezdisshme të marrësh kritika të ashpra. Në Itali nuk e kam shprehur potencialin tim për një vit e gjysmë. Tani jam edhe më i mirë se kur më bleu Roma, sepse kam fituar më shumë përvojë dhe pjekuri. Kujtimi më i mirë i imi te Roma është goli ndaj Real Sociedad, në ‘Europa League’. Më i keqi ishte përjashtimi më karton të kuq ndaj Sassuolos. Ajo goditje ndaj Berardit ishte gjest instinktiv për të cilin u pendova menjëherë. Për fat të keq, ai episod na kushtoi ndeshjen”

Se përse gjërat nuk kanë shkuar mirë për të vitet e fundit, Kumbulla mendon kështu: "Shpjegimi është i thjeshtë; jam një lojtar që duhet të jetë në top-formë fizikisht. Pasi dëmtova rëndë gjurin, m’u deshën shumë muaj para se të kthehesha në nivele të mira. Për fat të keq, në 6 muajt me Sassuolo, ose më mirë që nga shkurti, nuk isha në gjendje të shprehesha plotësisht”.