Arabia Saudite në të ardhmen e Kevin De Bruyne? Sipas asaj që raportohet nga “The Sun”, portugezi Cristiano Ronaldo iu ka sugjeruar drejtuesve të Al-Nassr që të transferojnë mesfushorin belg të Manchester City, duke i propozuar atij një ofertë të pamundur të refuzohet.

Kontrata mes De Bruyne dhe “qytetarëve” do të skadojë në fund të sezonit dhe negociatat për rinovimin e saj ende nuk kanë nisur. Në të kaluarën, lojtari kishte lënë të hapur mundësinë e një transferimi të mundshëm në Lindjen e Mesme.

Kjo temë ishte aktuale edhe në merkaton e kësaj vere, kur KDB foli për mediat belge mbi këtë mundësi: "Kam lexuar shumë tituj në lidhje me një transferim timin, por nuk kam folur me askënd.

Po, u takova me Michael Emenalo (drejtori sportiv i Pro Ligës Saudite), sepse njihemi. Është normale që kemi biseduar, por jo për ndonjë transferim. Unë kam kontratë me Manchester City, deri tani nuk kam menduar kurrë të largohem”.