Fituesja e Big Brother VIP, Egla Ceno, ka rikujtuar përvojën e saj, edhe pse kanë kaluar muaj që nga përfundimi.

Ajo shprehet se do të kishte dashur që brenda shtëpisë të kishte qeshur më shumë, madje do të kishte dashur që në shtëpi të kishte edhe 2-3 Heidi të tjerë.

“Katër muaj e gjysmë, një eksperiencë e ngjeshur, ky vit ka qenë shumë i fortë për mua. Ka qenë një BBV i dhunshëm. Më vjen mirë që publiku, inteligjent, ka kuptuar të ndajë shapin nga sheqeri. Do të doja që në atë shtëpi të kishte 2 ose 3 Heidi.

Do të kisha dashur të kisha qeshur në atë shtëpi, për të qarë qan vetëm, por për të qeshur duhen dy veta. Nuk ishte e mundur, ashtu ndodhën gjërat”,-tha Egla Ceno.