Natë feste për Lionel Messin dhe Inter Miami. Klubi i Floridës mundi Columbus Crews 3-2 për të fituar “Mburojën e Mbështetësit”, një trofe i garantuar për skuadrën e MLS-së me numrin më të madh të pikëve në sezonin e rregullt.

Skuadra e drejtuar nga Gerardo Martino u imponua me masë, e shtyrë nga golat e yjeve të saj më të shndritshëm. Në fundin e pjesës së parë, Messi shënoi një dygolësh, i aftë për të goditur dy herë në hapësirën e pesë minutave.

SUPPORTERS’ SHIELD CHAMPIONS! 🏆🛡️ pic.twitter.com/Dcfk2RYFSO

— Inter Miami CF (@InterMiamiCF) October 3, 2024

Nuk munguan emocionet edhe në pjesën e dytë. Columbus e ngushtoi diferencën me Diego Rossin, para goditjes së Luis Suarez, që në fakt e mbylli ndeshjen. Penalltia e mëpasme nga Hernandez e ktheu Columbus në garë (më pas mbeti me 10 lojtarë për shkak të kartonit të kuq të dhënë ndaj Camacho), por Inter Miami arriti në “vijën e finishit” i padëmtuar, duke vendosur duart mbi trofe.

Për Lionel Messin, fitorja kundër Columbus vlen përditësimin e rëndësishëm të trofeve. “La Pulce”, në fakt fitoi trofeun e 46-të të përgjithshëm të karrierës së tij të jashtëzakonshme, si dhe të dytin me fanellën e Inter Miami, pas Kupës së Ligës më 2023.

Se disfruta más entre amigos 🏆🩷 pic.twitter.com/XfPgyj97aI

— Inter Miami CF (@InterMiamiCF) October 3, 2024

Ky trofe e ka emrin “Mburoja e Mbështetësit” sepse fillimisht u krijua nga një grup i organizuar tifozësh, të cilët në vitin 1998 nisën të mblidhnin fonde për të krijuar një trofe që do t’i jepej skuadrës që e përfundonte sezonin e rregullt të MLS në krye.

Në renditjen e përgjithshme të sezonit të rregullt të MLS, Inter Miami arriti 68 pikë, duke lënë pas të gjithë kundërshtarët e vet.