Boris Johnson ka treguar publikisht se Mbretëresha Elizabeth II kishte kancer në kocka dhe ky ishte shkaku i vdekjes së saj.

Kjo është hera e parë që një politikan i njohur britanik flet për shkakun e vdekjes së monarkes britanike.

Mbretëresha e ndjerë Elizabeth II kishte një formë të kancerit të kockave në vitet e saj të fundit, pohon Boris Johnson në një libër me kujtimet e tij.

Në një ekstrakt nga "Unleashed", që pritet të publikohet muajin e ardhshëm, ish-kryeministri tha se ai "e dinte prej një viti ose më shumë" se monarkja britanike "kishte një formë të kancerit të kockave" kur dha dorëheqjen në shtator 2022, vetëm dy ditë para vdekjes së saj.

Kjo shënon herën e parë që një politikan i lartë britanik ka folur për shkakun e vdekjes së saj, i cili zyrtarisht u shpall si "pleqëria" në certifikatën e saj të vdekjes.

Zbulimi është shumë i pazakontë në jetën publike britanike. Shëndeti i mbretëreshës ishte një sekret i ruajtur fort gjatë mbretërimit të saj, dhe informacionet rreth takimeve midis kryeministrit dhe monarkut zakonisht mbahen konfidenciale.

Duke kujtuar takimin e tij të fundit me Mbretëreshën Elizabeth, Johnson tha se ajo “dukej e zbehtë dhe më e përkulur dhe kishte mavijosje të errëta në duar dhe kyçe, ndoshta nga injeksione”.

Por, tha ai, gjendja shpirtërore e monarkes ishte "plotësisht e paprekur nga sëmundja e saj dhe herë pas here në bisedën tonë ajo ende ndizte atë buzëqeshje të madhe të bardhë në bukurinë e saj të papritur që ngrente humorin".

Ai tha se mbretëresha e ndjerë e dinte që në verën se po ikte, por ishte e vendosur të vazhdonte dhe të bënte detyrën e saj të fundit" duke parë transferimin e pushtetit nga Johnson te pasardhësja e tij Liz Truss.

Johnson thotë në kujtimet e tij se mbretëresha ndonjëherë i tregonte atij informacione para se ai ta dinte, duke përfshirë një incident në të cilin një avion i Forcave Ajrore Mbretërore ra nga një aeroplanmbajtëse.

Ishte "dyfish e turpshme" të merrja vesh detajet nga mbretëresha, tha ai. /noa.al