Iphone i parë i serisë 16 është shitur në Shqipëri në dyqanin e One Albania. Pak pasi ora kaloi 12:00, lideri i telekomunikacionit si dhe rishitësi zyrtar i Apple, One Albania, priti klientin e parë, duke hedhur hapin drejt teknologjisë më të fundit në vend.

Nga përmasat më të mëdha të ekranit dhe kornizat më të holla e deri te procesorët e rinj, gama e iPhone 16 sjell një mori përmirësimesh për të gjithë admiruesit e teknologjisë dhe telefonave të rinj.

iPhone i shumëpritur 16 konsiderohet si celulari i parë me inteligjencë artificiale (AI) të integruar brenda tij.

Përmes AI telefoni do t’i lejojë përdoruesve të marrin informacion rreth gjithçkaje, vetëm duke drejtuar kamerën.

Ata, gjithashtu, mund të krijojnë tekst dhe imazhe me anë të inteligjencës artificiale.

Të katër modelet e iPhone 16 kanë një buton të ri të dedikuar, pozicionuar anash pajisjes, për kapjen e fotove dhe videove.

Rezolucioni i kamerës 46 megapiksel i ofron përdoruesve ekuivalentin e një kamere me 4 lente të ndryshme, duke arritur kombinimin më të lartë të rezolucionit dhe shpejtësisë së kuadrove, të patur ndonjëherë në një iphone.

Ndër të tjera, iPhone 16 Pro ka jetëgjatësinë më të madhe të baterisë krahasuar me të gjithë linjën e iPhone-ve përpara tij.

Sa i takon pamjes së jashtme, linja e iPhone 16 është ndër më të hollat dhe më të gjatat të prodhuara deri më tani, duke i lejuar përdoruesit të kenë një ekran më të madh për lojëra dhe filma.

Seria e hedhur në treg së fundmi ka një dizajn elegant dhe vjen në disa opsione ngjyrash: e zezë, e bardhë, e argjendtë, blu dhe rozë.

Duke qëndruar në pararojë të zhvillimit të peizazhit digjital të Shqipërisë, One Albania vijoi traditën e saj disavjeçare, duke shitur iPhone 16 të parë, që në mesnatë.

Klientët tani mund të vizitojnë dyqanet e One Albania për të eksploruar serinë e iPhone 16, të disponueshme me oferta të përshtatura për nevojat e tyre.