PËRDITËSUAR – Tiranë, 1 Gusht 2024/noa.al- Një shpërthim i fuqishëm është ndjerë pak pas mesnate në qendër të Tiranës.
Ngjarja ndodhi në orën 01:03 të 1 gushtit, raportuan dëshmitarë në vendngjarje për noa.al.
Shpërthimi ishte i fuqishëm dhe u ndje gjerësisht në të gjithë zonën e Myslym Shyrit, tha pronari i një biznesi në këtë aks rrugor, duke kontaktuar me noa.al.
Noa.al kontaktoi me policinë e Tiranës e cila tha se ka lokalizuar shpërthimin në rrugën "Reshit Çollaku", në një kantier në ndërtim.
Sipas policisë është dëgjuar një shpërthim, i ngjashëm me lëndët plasëse ose lëndët piroteknike.
Si pasojë nuk ka dëme materiale dhe as të lënduar.
Është e paqartë përse ndodhi shpërthimi në pallatin në ndërtim në mes të Tiranës, në një nga zonat më të shtrenjta.
Grupi hetimor po vazhdon punën për sqarimin e mëtejshëm të rrethanave të ngjarjes.
Bashkohu me kanalin e NOA WhatsApp për lajmet më të fundit direkt në celularin tënd