Ditën e djeshme kryetarja e parlamentit Lindita Nikolla dha dorëheqjen nga posti i saj, ku shërbeu për tre vite.

Nikolla shpjegoi se arsye e largimit nga ky post ishte një çështje shëndetësore dhe kërkoi që të mos spekulohet politikisht me këtë largim.

Për largimin e Nikollës ka reaguar Elisa Spiropali e cila shprehet se këto tre vite, ajo ka qëndruar në lartësinë dhe dinjitetin që i takon asaj detyre dhe e quan një grua të fortë dhe mike të mirë. “Mirënjohje dhe Respekt për Lindita Nikollën Kuvendi, posaçërisht vitin e fundit parlamentar, është kthyer shpesh në shesh përsheshi fjalësh, flakadanësh, tymi e zjarri. Lindita qëndroi në lartësinë, dinjitetin dhe drejtësinë që i takon asaj detyre. Grua, mike, kryetare, shumë përqafime për Ty”, shkruan Spiropali në Facebook.