![](/assets/images/noa-white-logo.png)
![](https://noa.al/newsImages/2024/07/lezhe-2.jpg)
Autori i plagosjes së 27-vjeçarit Alfred Marku mesditën e së dielës në plazhin e Tales në Lezhë do të qëndrojë në burg pa afat.
Ermir Lucaj u njoh këtë të mërkure me masën e sigurisë në Gjykatën e Lezhës, ku në seancën gjyqësore të zhvilluar me dyer të mbyllura, përmes avokatit mbrojtjes 30-vjeçari ka pretenduar se është provokuar nga Alfred Marku dhe ka marrë armen e zjarrit për ta trembur e jo për të qëlluar në drejtim të tij.
Por pavarësisht këtyre pretendimeve gjyqtari Elvis Sulejmani pranoi kërkesën e prokurorit Arben Nika, duke e cilësuar të ligjshëm arrestimin e 30-vjeçarit Ermir Lucaj dhe vendosi ndaj tij masën e sigurisë “Arrest në burg”, për veprat penale “Plagosja e rende me dashje” dhe “Armëmbajtja pa leje”.
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)