![](/assets/images/noa-white-logo.png)
![](https://noa.al/newsImages/2024/07/IMG_0342.jpeg)
Drejtorja e Shërbimit Sekret Amerikan, Kimberly Cheatle, e cila u kritikua për dështimin e agjencisë për të parandaluar atentatin ndaj ish-presidentit Donald Trump, ditën e sotme ka dhënë dorëheqjen, sipas ABC News.
Cheatle ishte përballur me thirrje për të dhënë dorëheqjen që nga të shtënat në një tubim të Trump më 13 korrik, një sulm i cili la një të vdekur dhe dy të tjerë të plagosur rëndë.
Në një intervistë me ABC News pas sulmit, Cheatle e quajti incidentin "të papranueshëm" dhe tha se ishte përgjegjësia e saj të sigurohej që asgjë e tillë nuk do të ndodhë përsëri.
Cheatle tha gjatë intervistës se ajo nuk do të jepte dorëheqjen nga roli i saj.
"Misioni solemn i Shërbimit Sekret është të mbrojë liderët e kombit tonë. Më 13 korrik, ne dështuam. Si drejtore e Shërbimit Sekret të Shteteve të Bashkuara, unë marr përgjegjësinë e plotë për çdo gabim sigurie. Ne po bashkëpunojmë plotësisht me hetimet në vazhdim. Duhet të mësojmë se çfarë ka ndodhur", tha Cheatle në dëshminë e saj para komitetit të Dhomës së Përfaqësuesve.
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)