![](/assets/images/noa-white-logo.png)
![](https://noa.al/newsImages/2024/07/IMG-20240721-WA0002.jpg)
Shpërthen në lëvizje e sipër një automjet në Gramsh dy pasagjerë mbeten të lënduar.
Një shpërthim ka ndodhur në qendër të qytetit të Gramshit pasditen e sotme, teksa një makinë ka marrë flakë.
Ende nuk dihet nëse automjeti ka shpërthyer prej një lënde plasëse apo ka pasur një defekt.
Dy persona brenda saj kanë mbetur të plagosur.
Incidenti ka ndodhur në lagjen "Xhile Liçi" në Unazën e qytetit. Noa.al ju sjell pamjet nga kjo ngjarje.
Raportohet se ka shpërthyer ne ecje automjeti tip fort Focus i shtetasit Algert Mine.
Në momentin e shpërthimit në automjet kanë qenë dy vëllezërit Algert dhe Erald Mine.
Të plagosurit po transportohen drejt Spitalit të Traumës në Tiranë.
Policia lokale tha zyrtarisht se rreth orës 17:20, në lagjen "Xhile Liçi", Gramsh, automjeti tip "Ford Focus", që drejtohej nga shtetasi A. M., gjatë kohës që automjeti ka qenë në lëvizje, në rrethana ende të paqarta ka shpërthyer.
Si pasojë është dëmtuar shtetasi A. M. dhe pasagjeri shtetasi E. M. (vëllezër), të cilët janë transportuar për ndihmë mjekësore në spital.
Grupi hetimor nën drejtimin e Prokurorisë po kryen veprimet për sqarimin e rrethanave të ngjarjes dhe përcaktimin e shkakut të shpërthimit të automjetit.
Pas ekzaminimeve të mekanizmit të rrethanave që kanë ndikuar në shpërthim do të ketë një njoftim të plotë.
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)