Bankat e mëdha, mediat dhe linjat ajrore po vuajnë aktualisht ndërprerje të madhe në shërbime jetike për shkak të një kolapsi kibernetik.

Fluturimet janë ndalur në aeroportin e Sidneit, ndërsa United Airlines ka ndaluar fluturimet dhe platforma e grupit të Bursës së Londrës po përjeton ndërprerje.

Çfarë po ndodh? Bllokohen bankat, mediat dhe fluturimet, ‘black Out’ në gjithë botën!

Kolapsi ka prekur edhe disa nga bankat shqiptare, të cilat po përballen me vështirësi për të procesuar veprimet me jashtë për shkak të rënies së sistemeve të IT-së.

Microsoft: Po punojmë për zgjidhjen

Microsoft thotë se po ndërmerr “veprime zbutëse” pas problemeve të shërbimit, raporton agjencia e lajmeve AFP. Kompania thotë se ndërprerja filloi rreth orës 18:00 ET (0000 BST) të enjten.

Microsoft deklaroi se po heton çështjet me shërbimet cloud në SHBA dhe një çështje që ndikon në disa nga aplikacionet dhe shërbimet e saj.

Preken kompanitë e trenave në Britani

Një kompani e madhe treni ka paralajmëruar pasagjerët që të presin ndërprerje pasi po vuan “bllokim masiv në sistemet e IT”.

Të katër markat e Govia Thameslink Railway – Southern, Thameslink, Gatëick Express dhe Great Northern – postuan në mediat sociale: “Aktualisht jemi duke përjetuar probleme me sistemet IT në të gjithë rrjetin tonë.

“Ekipet tona të IT-së po hetojnë në mënyrë aktive për të përcaktuar shkakun rrënjësor të problemit.

“Ne nuk jemi në gjendje të aksesojmë diagramet e shoferëve në vende të caktuara, duke çuar në anulime të mundshme me njoftime të shkurtra, veçanërisht në rrjetet Thameslink dhe Great Northern.

“Për më tepër, sisteme të tjera kyçe, duke përfshirë platformat tona të informacionit për klientët në kohë reale, janë gjithashtu të prekura.

“Ne do të ofrojmë përditësime shtesë kur të mundemi. Ndërkohë, ju lutemi kontrolloni rregullisht udhëtimin tuaj përpara se të udhëtoni.”

Ndërsa ndërprerjet u përhapën, aeroporti i Berlinit raporton vonesa për shkak të ‘defektit teknik’.

Disa aeroporte dhe linja ajrore kanë raportuar probleme me sistemet e tyre IT. Mediat në Shqipëri shkruajnë se probeme ka patur dhe në vendin tonë.

Aeroporti i Berlinit postoi në X që po përjeton vonesa në check-in për shkak të një “defekti teknik”.

Në Spanjë është raportuar një “incident” në të gjitha aeroportet e vendit.

“Ne po punojmë për ta zgjidhur sa më shpejt të jetë e mundur. Ndërkohë, operacionet po vazhdojnë me sisteme manuale,” thotë operatori spanjoll i aeroportit./The Guardian