Kombëtarja “La Roja” mund të fitojë një xhekpot të mirë. Spanja përballet me Anglinë këtë të dielë në finalen e Euros. Në rast fitoreje, skuadra e De La Fuentes do të fitojë një shumë të mirë parash.

Në të vërtetë, sipas Mundo Deportivo, Federata Spanjolle e Futbollit (RFEF) do të fitonte gjithsej 28.25 milionë euro nga UEFA, nëse Spanja fiton trofeun e katërt evropian pas finales kundër Anglisë, mbrëmjen e kësaj të diele në Berlin.

Përpara fillimit të kompeticionit, RFEF dhe “La Roja” ranë dakord që 30% e asaj që do të fitonte Federata Spanjolle do të shkonte për lojtarët e ekipit spanjol. Në rast fitoreje, kjo përqindje do të ngrihej në 40%.

Të ardhurat më të mëdha, 9.25 milionë euro, u lidhën me kualifikimin e “La Roja” në fazën finale të Euros. Nga faza e eliminimit e në vazhdim, çdo fitore sjell një milion euro shtesë. Shuma për të arritur në 1/16 është 1.5 milionë euro. Shtojini kësaj edhe 2.5 milionë euro për të arritur në çerekfinale.

Paratë e çmimeve u rritën jashtëzakonisht, nga katër milionë euro për arritjen në gjysmëfinale në pesë milionë euro për arritjen në finale në Berlin.

400 mijë euro për trajnerin dhe çdo lojtar…

Nëse Spanja pason Italinë duke fituar Euro 2024 të dielën në mbrëmje, atëherë do të “La Roa” do të marrë një bonus prej 11.3 milionë euro. Çdo lojtar i saj, si dhe trajneri, do të marrin nga 400 mijë euro. Një pjesë e bonusit duhet t’u shpërndahet edhe punonjësve që shoqëruan kombëtaren spanjole gjatë Europianit. Në rast të humbjes së Spanjës ndaj Anglisë së Southgate, shuma totale e bonusit do të binte në 7.58 milionë euro.

🚨 No es un domingo cualquiera… ¡¡𝗛𝗢𝗬 𝗦𝗘 𝗝𝗨𝗘𝗚𝗔 𝗨𝗡𝗔 𝗙𝗜𝗡𝗔𝗟!!⚽ ESPAÑA – Inglaterra🏆 #EURO2024🗓️ Final🕘 21.00 horas🏟 Olympiastadion📍 Berlín (Alemania)📺 @La1_tve✍️🏻 PREVIA: https://t.co/zxmGN2j6Go#⃣ #VamosEspaña pic.twitter.com/JS3t9aUzlM

— Selección Española Masculina de Fútbol (@SEFutbol) July 14, 2024