![](/assets/images/noa-white-logo.png)
![](https://noa.al/newsImages/2024/07/arbitri.jpg)
Në Holandë ende nuk e kanë kaluar zhgënjimin e eliminimit nga Kampionati Europian. Humbja e pësuar ndaj Anglisë është e vështirë për t’u tretur, veçanërisht për shkak të arbitrimit të diskutueshëm të Felix Zwayer, i cili shkaktoi diskutime për disa episode të diskutueshme në këtë ndeshje.
Mbi të gjitha, padyshim, penalltia për ndërhyrje të parregullt të Dumfries ndaj Kane, e cila më pas u shndërrua në gol nga vetë sulmuesi i Bayern Munich. Shtypi portokalli ndihet po aq i dëmtuar sa trajneri Koeman, i cili deklaroi në fund të ndeshjes:
"Ne nuk humbëm për këtë, por gjyqtari fishkëlleu shumë faulle që nuk ishin. Nuk ishte penallti, Dumfries provoi për të bllokuar goditjen.
Po e shkatërrojnë futbollin duke parë këto gafa edhe me VAR. Episodi ishte i qartë; Kane godet drejt portës. Në këtë moment, kapiteni i Anglisë godet me një lëvizje të natyrshme këmbën e mbrojtësit tonë”.
Megjithatë, ky rast nuk është burimi i vetëm i polemikave. Një video u bë shpejt “virale” në rrjetet sociale, e cila tregon Saka duke e devijuar topin me krahun e tij, pak para goditjes së shokut të skuadrës.
Në barazimin 1-1, megjithatë, arbitri nuk sinjalizoi një mbajtje mjaft të dukshme të Declan Rice ndaj Aké. Një penallti e mundshme që mund t’i kishte kaluar sërish në avantazh holandezët.
Kësisosji, portokallinjtë i kthehen kujtimit të së shkuarës së Zwayer, i pezulluar në vitin 2005 për marrje ryshfeti: “Si mund të caktohet një arbitër që ka trukuar disa ndeshje për të gjykuar një gjysmëfinale të Kampionatit Europian?”
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)