I zënë në këto ditë të fundit të “Euro 2024”, Lamine Yamal po pret me padurim të luajë finalen në Berlin, kundër Anglisë. 16-vjeçari fantastik në pronësi të Barcelonës, gjatë një interviste me “Jijantes TV”, mori fjalën për të kujtuar një tjetër produkt të shkëlqyer të “La Masia”, pikërisht Ansu Fati:

"Shpresoj që Ansu të qëndrojë, njihemi prej një kohe të gjatë dhe unë e konsideroj shok. Nuk më intereson çfarë numri mbaj në fanellë, do marr një që nuk e ka askush tjetër. 17-shin, për shembull, që është i lirë tani, pasi Marcos Alonso është larguar”.

Natyrisht, idhulli i futbollit i Yamal është Lionel Messi. Tetë herë fituesi i “Topit të Artë” e takoi 16-vjeçarin në vitet e para të jetës së tij, si fëmijë, teksa fotot që qarkulluan në rrjetet sociale, në krahët e argjentinasit, u bënë “virale”.

Për to, 16-vjeçari kishte dijeni: “Fotot i pashë për herë të parë, sepse m’i tregoi babai, por ne donim të shmangnim krahasimet dhe nuk i shpërndamë. Askush nuk shqetësohet nëse krahasohet me lojtarin më të mirë. Kurrë nuk kam folur me Messin, shpresoj të ndodhë një ditë”.

Në vend të kësaj për mundësinë që Nico Williams mund të veshë fanellën e Barcelonës, këtë verë: "Shpresoj të jem në gjendje të luaj me të. Për ditëlindjen e tij do të dalim shëtitje bashkë. Dua ta bëj atë të lumtur. Nëse fitojmë finalen do t’i bëj edhe një dhuratë”.