![](/assets/images/noa-white-logo.png)
![](https://noa.al/newsImages/2024/01/Ronaldo.jpg)
Cristiano Ronaldo? Ai është 39 vjeç, por duket si 25, ndryshoi programin tonë të stërvitjes. Kështu, mesfushori i Al-Arabi, Muralha, vlerëson ndikimin e kampionit portugez në Pro Ligën Saudite.
I intervistuar nga portali brazilian “Globoesporte”, ish-lojtari i Flamengos tregoi një anekdotë të veçantë në lidhje me ish-yllin e Juventusit dhe Real Madridit.
Më konkretisht ndodhi një ndryshim epokal i zakoneve në futbollin saudit, i përshpejtuar nga mentaliteti i pesë herë fituesit të “Topit të Artë”.
Sipas Muralha, CR7 ka shkuar aq larg sa të ndryshojë zakonet e sportistëve arabë, që nga mbërritja e tij tek Al-Nassr në janar 2023.
"Tani stërvitemi në mëngjes, kur dielli nuk shkëlqen aq fort, – shpjegon braziliani. – Cristiano i detyroi arabët të shkonin në shtrat më herët për t’u stërvitur në mëngjes dhe për të pasur një paraqitje më të mirë në fushë.
Pro Liga Saudite? Është bërë jashtëzakonisht e fortë. Kushdo që ka para do të krijojë një ekip të fortë për të luajtur. Kampionati po bëhet shumë i vështirë.
Lojtarët janë të stërvitur mirë, jo vetëm në futboll, por edhe jashtë fushës, duke u pjekur në aspektin profesional. Edhe lojtarët e mëdhenj po shkojnë atje tani. Të gjithë duan të shkojnë atje".
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)