Panathinaikos i ka bërë një ofertë Xherdan Shaqirit, sulmuesit të Chicago Fire, kontrata e të cilit skadoi më 30 qershor 2024. Grekët, pasi tentuan të fokusohen te Maurizio Sarri për pankinën, i kanë propozuar një marrëveshje shumë të rëndësishme shqiptaro-zviceranit, një prej protagonistëve të Kampionatit Europian në Gjermani.

Ka pasur kohë edhe për një polemikë të vogël me trajnerin zviceran, Murat Yakin: "A nuk mund të luaj 90 minuta? Trajneri vendos se kush luan dhe kush jo. Çdo lojtar duhet ta pranojë, duke përfshirë edhe mua. Nuk ka marrëveshje mes meje dhe Yakin. Edhe nëse duhet ta filloj nga pankina, unë do të bëj më të mirën. Ky debat është paksa i turpshëm”.

Shaqiri, megjithatë, nuk është i bindur nga projekti në fjalë, duke preferuar ligat e tjera para asaj greke, në rast të rikthimit në Europë, çka ndoshta nuk është vendosur ende. Mbetet për t’u parë nëse ka fije mundësish për një rihapje të mundshme të negociatave.

Shaqiri mbërriti në “Major League Soccer” në shkurt të vitit 2022. Deri më tani atje ka luajtur 75 ndeshje në dy vite e gjysmë, me 16 gola dhe 13 asiste. Ai kishte qenë më i paguari në klubin amerikan, pasi mbërriti nga Ligue 1, ku luajti për Olympique Lyon me pagë 7.5 milionë euro.