![](/assets/images/noa-white-logo.png)
![](https://noa.al/newsImages/2024/07/Theo-hernandez.jpg)
Theo Hernandez, Mike Maignan, Rafael Leao, Christian Pulisic dhe Tijjani Reijnders përmbyllën zyrtarisht sezonin mes angazhimeve në Kupën e Amerikës për numrin 11, dhe Kampionatin Europian të lojtarëve të tjerë kuqezinj.
Edhe vera, si gjithë pjesa e mëparshme e sezonit me Milanin, nuk solli asnjë trofe për ta. Dy francezët dhe holandezi u eliminuan në gjysmëfinale të Kampionatit Europian, portugezi humbi në çerekfinale ndaj kombëtares së Deschamps, ndërsa amerikanët e Pulisic zhgënjyen pritshmëritë, duke i dhënë lamtumirën Kupës së Amerikës në fazën e grupeve.
Secili prej të pestëve nuk ka mundur të arrijë ndonjë kënaqësi në nivel personal. Më i miri i pesëshes ishte Mike Maignan, i cili u rikthye për të luajtur në një nivel të mahnitshëm me Francën, për kënaqësinë e të gjithë tifozëve të Milanit, të cilët, për fat të keq, iu desh të përballeshin me një rënie në performancën e numrit 16 me kuqezinjtë, sezonin e kaluar.
Menjëherë pas Maignan është Reijnders, i cili gjithashtu është afirmuar ndërkombëtarisht si “truri” i Holandës, ka spikatur me klasin dhe elegancën e tij.
Theo, Leao dhe Pulisic? Për të tre, vera në kombëtare konfirmoi përgjithësisht statusin mbarëbotëror që kanë arritur, pavarësisht se emrat e tyre mungojnë në listën e shënuesve dhe asistuesve. Përjashtim bën goli i bukur i Pulisic në debutimin e tij në “Copa America” 2024.
Analizë e thellë e Leaos, në veçanti: shumë i kritikuar pas dy ndeshjeve të para të fazës së grupeve,në të cilat mori dy kartonë të verdhë për dy simulime (kundër Sllovakisë dhe Francës). Portugezi do të kthehet te Milani i ripërtërirë. Me më shumë dëshirë, ndoshta, për t’u kthyer menjëherë te fitorja.
Bashkohu me kanalin e NOA WhatsApp për lajmet më të fundit direkt në celularin tënd
![](/assets/images/shenim-news.jpeg)