Pas lamtumirës së tij nga Milani dhe futbolli europian, Olivier Giroud njoftoi gjithashtu vendimin e tij për t’u larguar nga kombëtarja franceze:

“Kur bën një zgjedhje si kjo (nënshkrimi për të luajtur në SHBA) do të thotë gjithashtu të jesh në gjendje të kënaqesh me më pak futboll, por më shumë familjen tënde.

Jetojmë me 200 milje në orë, nuk kemi shumë kohë për familjen. Ka shumë gara në sezon dhe mua më duket e ndërlikuar. Në fakt, tani duhet t’i them vetes se kjo ishte ndeshja e fundit me blutë.

Natyrisht që do të më mungojë shumë, por mendoj se rrugëtimi im duhet të përfundojë këtu me kombëtaren franceze, pas Kampionatit Europian”.