46-vjeçari shpenzon rreth 2 milionë euro në vit duke kërkuar një mënyrë për të ndryshuar moshën e tij dhe të bëhet sërish 18 vjeç

Brian Johnson, njeriu që dëshiron të mundë kohën dhe të jetojë përgjithmonë, pohon se tani e ka ngadalësuar procesin e plakjes deri në pikën ku mund të festojë ditëlindjen e tij çdo 19 muaj.

Manjati 46-vjeçar i teknologjisë shpenzon rreth 2 milionë euro në vit duke kërkuar një mënyrë për të ndryshuar moshën e tij dhe për t’u bërë sërish 18 vjeç, ndërkohë që pranon se jetëgjatësia maksimale e njeriut është rreth 120 vjet.

Në fakt, për ta arritur këtë, Johnson ia shiti kompaninë e tij Braintree Venmo, PayPal-it për 800 milionë dollarë në vitin 2013.

Johnson pretendon se ka arritur rekordin për antiplakjen më të shpejtë të regjistruar në histori, duke ulur moshën e tij "epigjenetike" me 5.1 vjet në vetëm shtatë muaj. raporton noa.al duke cituar Independent.

Ai gjithashtu thotë se ka marrë një qasje holistike të gjithë trupit për të ndaluar procesin e plakjes, duke ngrënë me një dietë vegjetariane me 1,977 kalori në ditë dhe duke marrë suplemente dhe medikamente të ndryshme.

Ai gjithashtu i është nënshtruar procedurave më invazive si MRI, ultratinguj dhe kolonoskopi dhe i ndan publikisht statistikat e tij në internet për të informuar të tjerët se çfarë mund të arrihet në këtë fushë.

Brian tregon se eksperimenti i tij i fundit përfshinte kryerjen e të ashtuquajturës terapi gjenetike të filostatinës në shtator 2023, e cila ai pretendon se rriti jetëgjatësinë e minjve me 30% kur aplikohej në një fazë eksperimentale.

Trajtimi përfshin rritjen e prodhimit të tilaktinës nga trupi, një proteinë e përfshirë në rritjen e muskujve, inflamacionin dhe fertilitetin.

View this post on Instagram

A post shared by Bryan Johnson (@bryanjohnson_)

Johnson pretendon se tani që ai ka pasur trajtimin, ka ngadalësuar shkallën e plakjes në një "rekord personal" prej 0.64, që do të thotë se ai plaket vetëm një vit çdo 19 muaj.

“Masa ime muskulore është rritur me 7% (tashmë në përqindjen e 99-të),” shkroi ai, përpara se të shtonte: “Nivelet e mia të follistatinës u rritën me 160% (2 javë pas injektimit).

Megjithatë, ai theksoi se mënyrat më konvencionale të të jetuarit të shëndetshëm janë ende jetike për qasjen e tij, si gjumi i mirë, dieta dhe stërvitja. /noa.al